貴記荳品 (已結業)

真系由细饮到大，睇住煮嘢个肥仔变咗肥佬，伙记变晒老伙记。小学放学行过习惯饮返杯豆浆，当时仲系一蚊杯，部机上面贴住张纸「有钱饮杯先」，我哋帮衬时成日都接多句「冇钱系咁先」。啲豆浆冻到一饮个头都痛埋，但系细个觉得好正。咁多年嚟亲都系食锅贴、猪皮、豆腐，加杯豆浆，都系十几蚊找数。锅贴啲皮厚到加埋多过肉，但系我自己就钟意佢啲卤水汁。仲有，豆瓣酱一定要多。讲开豆瓣酱，廿几年后都仲系用𠮶只胶杯装住，同埋𠮶只隔离麦当劳攞返嚟嘅胶匙。真系见到都feel like home。老实讲，呢啲舖除咗平之外，真系食感情。要干净企理、服务好，咁就咪鬼帮衬呢啲街坊舖啦。