大小姐冰室

营业中

休息中

友人从外地返港，难得一聚，便拣了我们以前一直吃开，在他家附近嘅大小姐冰室。因为依度嘅消费性价比比较高，最重要嘅系唔会赶客走，冇限时😌我哋最钟意嘅，仲有佢嘅大大杯饮品 - 爆珠杂果宾治及红豆奶茶，真系劲多爆珠同埋红豆，正！佢话喺外边好耐冇食过有镬气嘅小炒，所以返到嚟嘅时候，继续食我哋以往食开嘅干炒牛河茄子饭同埋鱼香茄子饭，我饮例汤，佢饮炖汤。唯一今次唔同嘅，就系叫多咗两只蟹钳，一人一只，Cheers~ (真系有啲无聊😅）干炒牛河一上枱，因为超级香，我哋二话不说就已经起筷。到鱼香茄子煲一上枱，佢就哗哗声，哗好耐冇食过啲有镬气嘅嘢，好怀念以前嘅日子…唉，我都好怀念以前一齐放学后成班人一齐去温书，然后夜晚系依度食埋饭先返屋企嘅日子。