肉餅哥小炒料理 (已結業)

美林冬菇亭翻新左几年，身为大围友但一直未去过食野，一于揾日去试下。见openrice评价唔错，就去左食肉饼哥。平日晚饭时段差唔多坐满人，望落系冬菇亭最旺既个间。一坐低就feel到好劲既冷气，上左menu就上左两碗例汤，味道偏咸。两个人去食所以叫左个两人set，一汤两𩠌两饭同两支可乐，好耐无饮过玻璃瓶装既可乐啦！首先上左虫草花花胶鸡脚汤，一大碗，里面料好足，鸡脚都有两只，味道好浓几好饮。之后就上左主菜同饭，饭加几蚊转左菜饭，几香。两款𩠌拣左京都骨同招牌肉饼。京都骨几香，肉唔肥唔柴，可惜翻整同放得耐有d un。招牌肉饼系煎肉饼外面裹住咸蛋黄，食落非常香口，而且肉饼用料足，份量亦好多(本来以为只得四块左右)。总括而言，肉饼哥比我感觉系茶餐厅同大排挡之间，食物似大排挡大份而且好有镬气，但环境就有d似茶餐厅但比茶餐厅舒服，食物整体偏咸且浓。btw有朋友话卫生情况麻麻，但当日去到都算干净。