川吧

营业中

休息中

今日我又去食啲小店酸菜鱼。今次我嚟到太子呢间川吧，佢个店舖招牌同装饰都好似好有霸气既川菜咁。今日午市唔算好多人，我地两个人叫左佢个酸菜鱼同夫妻肺片。 🔸️酸辣鱼（鲩鱼）（$298，7／10）佢既酸菜鱼好大煲，应该都够2-3人份量，佢仲有个电磁炉帮你热住个煲，等人慢慢食都可以keep到热辣辣既煲。佢啲材料丰富，有好多鲩鱼片，汤底好够味，每人可以饮到两三碗汤。佢有好多荳芽同咸酸菜，配料味道都唔错。温馨提示，如果唔食食鱼骨既就唔好叫鲩鱼，因为有好多细骨。另外如果佢个酸菜鱼可以配埋宽粉喺入边就最好啦。🔸️夫妻肺片（$78，7／10）都几大碟，性价比几高。 牛肚片有咬口，麻辣汁都惹味，如果中意重口味嘅都可以考虑点黎𠮶。