食神麗宮

营业中

休息中

同阿女行街经过见到，（食神丽宫）听个名就很有霸气，反正已是晚餐时间，又唔想煮饭，就入去试吓😋一入门口有几个奖杯，应该食物质素有返咁上下，而且坐位阔落，光猛空间大，坐得舒服。蒜香玉乳脆鳝球～炸鳝球咸香惹味，炸完之后用香料蒜蓉红椒青葱碎起镬再爆香。鳝肉肉质新鲜弹牙，大大块而且无骨，啖啖肉好滋味！食神叉烧拼腩仔～一上枱就见到叉烧腩仔排得靓靓。蜜汁叉烧半肥瘦，腌得好入味，每一嚿都有淡淡酒香味，食完一件接一件，果然系招牌菜！腩仔块皮烧到非常松脆，半肥瘦的肉质入口松化，加上松脆的外皮，食落很有层次感！食神皇帝炒饭～呢碟炒饭有哂造型，成条理鱼模样，材料包括带子，虾，青豆同蛋，炒饭上面仲铺咗蟹子。饭加咗大量虾粒同带子粒再加入豉油都炒得够干身，粒粒分明。而蟹籽捞埋啲饭一齐食，令到碟饭口感层次好丰富，每一啖都好似加咗爆珠咁，非常特别。