龍璽酒家 (已結業)

见天色非常好，所以碰运气订枱，因为系第二轮，服务员话尽量安排窗口枱。真好彩，竟然有张靓景窗口枱坐。未叫点心已经举机影靓相。讲番食物，虾饺有金箔，味道一般。茘蓉芋盒基本上得芋蓉，带子好少，我会拣番冬菇同鸡粒料配合D。烧卖唔平，因为有鲍鱼，但我第一次见咁细只鲍鱼，之前在彩福食个鲍鱼烧卖好好多。带子肠食头两件都唔觉有带子，掲开第三件见到一块小薄片带子，好刀工。早知食叉烧肠。石蚝春卷，同样唔觉有蚝，可能好细粒。叉烧包同牛肉好一般。惊喜系甜品，杨枝甘露好好味，芒果肉同西柚粒都多。桂花椰汁糕甜度刚好。服务算唔错。两个人六百几蚊，当包埋睇靓景算ok.