小火焰韓式咖啡廳 (觀點中心) (已結業)

今日同fd做义工(佢番工，我义工)，体力劳动完，当然要刷餐劲既。上网见呢间餐厅系观塘几出名咁，环境同野食都几呃到like，决定一于一试。天气咁热，当然要整番杯冻野饮下。呢杯紫薯沙冰好大杯，够冰冻，放系度影阵相都未溶，卖相咁靓，呃like一流。紫薯味浓郁，沙冰都够细滑，啖啖都有紫薯味，正。饮左一半，仲发现佢附送左粒紫薯。呢个面包入面d芝士肉酱好正，够重口味，仲有d墨西哥脆片、紫菜卷同牛肋串烧可以拉黎食。拉丝成功。鸡翼有4大只，又系可以拉丝黎食。个饭可以拣泡菜炒饭或白饭。泡菜炒饭加埋d拉丝芝士都系微微辣(10小辣都吾有一半)，但味道够重，好惹味。呢度d摆设简单得黎都几卡哇伊。收银处仲有Handmade 曲奇买。门口得英文同韩文。韩式既装修门口有部机，好似系比人网上拎定飞。呢度好多野食都有得拉芝，而且有好几个Mon系头顶播韩歌，店名又得韩文同英文，连侍应都有韩妹feel，黎呢度可以当自己去左韩国，哈 。