鴻興海鮮燒鵝食家

营业中

休息中

难得既假期所以一家人4个食晚饭，价钱经济实惠，每碟𩠌大概$58起，就连肉类呀都系$58，抵食份量多。可以望一望餐厅门外既当日海鲜。虽然餐厅位置唔太方便，不过系天水围西铁站落车，再行10分钟左右就到，搭的士都应该唔驶跳标。叫左炸乳鸽2只(每只$68)，蒜蓉粉丝蒸大扇贝4只(每只$32)，豉椒炒大花甲($108)，鸿兴小炒皇($88)，京都鸡件($58)。炸乳鸽外皮脆卜卜，肉结实唔干，而且只只都有肉，d骨都脆脆地，下酒菜一流。之前试过佢地既烧鹅都唔错架。花甲只只都大粒，有大约20粒，加d青椒少少辣椒炒香，好惹味，只系少少少少辣，钟意食辣可以叫厨房落多d辣椒。个人觉得，尼到既海鲜价钱抵食，最重要既系，鲜甜，煮既方法令海鲜更好食。蒸扇贝最重要系多蒜多粉丝，尼到既扇贝大大粒，粒元贝劲厚肉，食一粒其实都开始饱饱地，加埋粉丝吸哂d海鲜汤，超级鲜甜，一定要叫扇贝。顺带一提，海鲜有时价，叫之前问清楚就最放心。每间餐厅都有自己既小炒皇，食过咁多间，尼间最多材料最大份。材料有虾干，果仁，细干白饭鱼，菜甫，韮菜(?)等等，好大镬气。不过，留意因为系腌制食物，所以会咸d既。最后，京都鸡件即炸即炒，有超过10大件