波記(大排檔) (已結業)

突然发现人生未试过食大牌档碟头饭，有日咁啱要去中环，就顺便揾间大牌档试试佢😛呢间波记喺楼梯中间，地方唔算大、厨师都系得一个，但好多「西装友」喺度等外卖，相信啲食物都唔错，而且平均$40左右就有交易，感觉性价比几高👍🏻作为碳水化合物嘅终极爱好者，我拣咗虾酱炒饭($42)，一炒起已经闻到阵阵香味，加埋大大个火炉令我非常期待呢碟镬气十足嘅炒饭🤩炒饭嘅料有火腿、蛋、葱同辣椒，第一啖已经感受到满满嘅咸香，辣味亦令炒饭更丰富😋可惜虾酱味唔重、而且镬气好似争咗啲，米饭略嫌未够干身，但胜在粒粒分明，咸味亦唔会不断累积😉而且每碟都好大份，细食嘅女士可以叫少饭，不过难得放肆，当然要食尽情啲，唔洗10分钟清晒成碟🤪朋友叫咗干炒牛河($40)，竟然有大大条菜心，而且冇芽叶，只有少量韭菜，口感比较单一，似菜远牛河多啲😂河粉偏甜、冇咩咸味，颜色亦偏浅，调味料上可能需要调整下(虽然大牌档都系好随意🤣)牛肉同河粉嘅质地就正常👌🏻