新志興至尊燒鵝大王

营业中

休息中

猪肚鸡烧卖出面真系好少地方有得食，印象中只有上环𠮶间老牌酒家先至有。呢度个猪肚烧卖嘅猪肚、鸡肉同埋冬菇都好味道，见猪肚好大件，冬菇都几厚身。干蒸牛肉又系出面好少地方有得食，呢间嘅干蒸牛肉做得唔错，牛肉真系有牛肉味。黑白糯米包仲以为有乜嘢刁钻嘢，其实佢只系糯米包入面除咗普通糯米仲有黑糯米。味道还可以，因为觉得个糯米唔够香，另外块烧卖皮又包唔晒个糯米包，佢个底系穿窿嘅。虾肠入面啲虾有啲霉，真系失望。不过佢个肠粉系做得唔错，衰系衰喺啲馅料度。总括而言，呢间酒家够晒风味，不过食物味道就一般般。