潤暉車仔麵

营业中

休息中

平时都食开街口间咖喱店，见有新车仔面店开左，便过来试试。星期六十二点钟来到，每张枱都有食客，但都未算满座嘅，不过店员示意在外边等等，咁就等位一下吧。等了约十分钟，终于有一张吉枱可坐，在门口已经睇好餐纸，立即落单先😋🍚梅菜扣肉饭家人点了碟梅菜扣肉饭，卖相唔错㖞。扣肉入味，层肥层瘦有口感，薄切食落唔会腻，梅菜吸了猪油又香又甜美，净系梅菜都可以食一大碗饭了🤤🍜紫菜 + 振兴墨鱼丸 + 秘制牛筋腩 +油面 + 牛腩汁 + 小辣自己就试下佢嘅车仔面先，叫了三𩠌，份量几多呀🥰汤底鲜味够浓郁，加上辣酱更惹味。振兴墨鱼不嬲弹牙鲜味啦，秘制牛筋腩炆得够晒淋，香口加上入口即化，正㖞，油面一大碗，好耐无食过一碗咁饱嘅车仔面啦。🥬腐乳通菜叫番碟菜先，腐乳通条条菜软又翠绿，加上多酱正呀😋🐟鲜炸鲮鱼球即叫即炸的，听住个厨房传出炸野嘅卜卜声，上枱时劲香同劲大球😆好似长州大鱼蛋咁大粒，好香口又弹牙，咬落超热呀，真系要等佢凉少少先食到。冻左缩返细粒少少，但都比一般食店嘅鲮鱼球大粒㗎，同埋冻左都唔油腻，高质👍🥤冻鸳鸯 & 🍋冻柠茶正常冻饮啦，够冻几好饮。车仔面好多𩠌拣，而且系店家调味制作，唔系得行货，几有诚意呀。