橫濱麵大將

营业中

休息中

穷L游太古，又系food court时间。呢个午餐set只系50大蚊，有面有饭有杯茶，平时食个拉面都唔止，今次连埋饭㖞，唔试对唔住自己啦。一上黎几有睇头，卖相唔比一百几十一碗既拉面差，而且仲有个饭，抵！汤底白滑润口唔死咸，呢个价讲比你知唔系沟出黎你都唔信，但味道和口感都唔差，绝对比「味精拉面」好。面质出奇地爽滑弹牙，我估系撞手神，呢个呀姐咁岩做得好。个蛋出奇地极之好味，溏心滑溜，蛋白亦唔鞋，绝对不输贵价拉面。唔肥亦唔鞋，问你死未！快餐都咁出色，相信都系撞手神。咁我都几好彩下。正常出品，冇特别，鳗鱼系鳗鱼味咁啰。总括来说，十分满意，估唔到$50有咁高水准。抵到烂。