千家客 (已結業)

是晚路经此地，有位热情阿姐叫人埋去食野，见佢咁friendly，就试下吧。随意坐低后阿姐便送上一杯水，本来都无理佢，但饮一啖，哗，原来系罗汉果水，好清甜㖞，啱哂一阵叫左炸野食。皮蛋瘦肉粥（$43）一大碗粥，粥底绵滑，皮蛋下得很多，大大块好好味。不过个瘦肉怪怪地嘅？鸡丝黎㗎㖞，变左皮蛋鸡丝粥，哈哈，好有鸡味，其实咁样都几好味吖。酥炸鱼肉云吞并猪肉云吞（$68）本来想要粥加炸两，但原来餐厅无左肠粉供应了，咁转下口味要个炸云吞先，茶楼就成日食炸云吞啦，但好少去餐厅叫，一个人食贪心啲要个双并先。鱼肉云吞系鲮鱼肉，猪肉云吞就系猪肉（哈）加了芫荽，云吞皮炸起上黎很脆，点一下甜酸酱好好味呀。食饱饱回家去，那杯罗汉果茶真不错，回家也煲一煲黎饮先。