釜之魂釜飯專門店 (淘大商場) (已結業)

一直都听讲呢度嘅鳗鱼釜饭好食，今日特登黎试。店面好大而且好整洁，入面仲有好多位，所以坐得好舒服，而且都唔驶等位。入到去未叫野食就上左汤同前菜，前菜系辣芽菜，醒胃又香口。等左唔够5分钟鳗鱼饭就黎啦。个卖相好靓，条鳗鱼好大条，睇落有光泽，令人食指大动。第一啖鳗鱼入口，好香而且唔咸，啲肉好滑，配埋饭食好搭。最特别系釜饭有饭焦，入口香脆，好有口感，好推介！！饮品叫左苹果蜜，唔会话好甜，入口清新，配咸甜嘅鳗鱼啱啱好！