原居民 (已結業)

与朋友密会，想揾间方便舒服，价钱又合宜既weekend lunch, 揾左呢间star cafe, 个名叫原居民好特别。入到去好宽敞，坐位宽落，分得开，我最怕贴住隔离，呢度完全有私人空间既感觉。安座后，店员第一时间比了一个黑板餐牌喺空椅上，感觉有d似传统西餐厅格局，隔一阵店员先走埋落order.我叫左烧羊架，$108头盘有餐包，喺满满蒜蓉牛油的！而且松脆，每人两块, 好香。沙律系ham with green salad, 配黑醋汁，菜份量都多，都新鲜。主菜，系烧羊架，叫左7成熟，真系做到㖞，微红没有血水，肉质都嫩，唔韧，亦唔苏。配菜系炒什菜，甘荀粒，炸薯角。值得一提，炸薯角好松脆！甜品是我最爱，呢个姜汁梳乎里，刚焗出嚟，外面焦脆，内面松软，而且portion好大。食落好有姜味，唔太甜，所以咁大都一样食得落D配埋cream同vanila sauce (用vanila seeds架！有heart, 而且味道浓郁好多）]]整体好满意，呢个价钱同地方，性价比高，又啱倾计。