阿土伯鹽水雞 (長沙灣廣場)

营业中

休息中

以前喺其他分店食开，今日来开呢边，第一次喺呢间分店买，堂食位置都算多，不过好多枱食完嘢之后阿姐都冇执枱，买完攞返屋企食，路程20分钟，而且因为本身买咗啲急冻食品摆咗落保温袋，我买完之后成盒嘢都摆咗落保温袋同啲急冻食品一齐放，所以应该唔会系返屋企途中令到鸡肉有馊味，真系冇谂过鸡肉有馊味，系好大浸馊味，买咗咁多次真系未试过，其他𩠌嘅味道系正常嘅，调味都系正常，只系鸡肉唔新鲜啰！食到鸡肉有馊味嘅时候已经全部掉咗，唔敢再食。阿姐态度一般般，佢哋好大声咁倾偈好嘈，嘢饮正正常常唔算好特别，唔会再返去呢间帮衬㗎啦，有阴影！