影片
更多
2025-02-12
374 浏览
话说黄埔嘅拉面店，除咗拉面天王重有间弘一拉面，which其实比较出名&成日都有人排队（火夫个虾拉面都几好，但我觉得佢主打串物，就唔计拉面店啦）弘一啱啱开张时我有食过一次佢个招牌鸡白汤拉面，但可能鸡白汤&慢煮鸡胸/慢煮猪肉叉烧都唔系我杯茶，食完唔觉佢特别好味，所以多年来都冇再帮衬最近想系香港食好味嘅酱油系拉面，见openrice啲人话佢个酱油汤ok，于是胆粗粗去试多佢一次结论而言：今次嘅体验重衰过上次今次叫左呢两年新出嘅？鲣鱼拉面+日式饺子（唔好问我个酱油拉面去左边😂）饺子都系正常日式饺子，新鲜煎起热辣辣，皮同馅都比较软身，不过不失，唔错（所以系碗面到之前已经比我清左）碗面一上嚟就见到满满嘅鲣鱼花，望落都几靓仔不过可能期望愈大失望愈大，成个拉面食落就有啲差少少，以下系按照我当时食嘅次序排嘅感想汤问题唔大，拨开鲣鱼花饮啖汤，以淡丽系嚟讲咸淡适中，但鲣鱼味唔系好浓，反而系甜味比较突出（唔知系唔系鸡+昆布+味醂嘅甜味），将鲣鱼花浸一阵&同埋拉面一齐食嘅话会好啲但鲣鱼花同拉面嘅口感其实唔系咁夹，而且食到最后啲鲣鱼花浸耐左，搞到个汤有少少酸，所以我冇饮哂个汤食啖拉面，直身幼面，有少少全粒粉，入口顺
（火夫个虾拉面都几好，但我觉得佢主打串物，就唔计拉面店啦）
弘一啱啱开张时我有食过一次佢个招牌鸡白汤拉面，但可能鸡白汤&慢煮鸡胸/慢煮猪肉叉烧都唔系我杯茶，食完唔觉佢特别好味，所以多年来都冇再帮衬
最近想系香港食好味嘅酱油系拉面，见openrice啲人话佢个酱油汤ok，于是胆粗粗去试多佢一次
结论而言：今次嘅体验重衰过上次
今次叫左呢两年新出嘅？鲣鱼拉面+日式饺子
（唔好问我个酱油拉面去左边😂）
饺子都系正常日式饺子，新鲜煎起热辣辣，皮同馅都比较软身，不过不失，唔错（所以系碗面到之前已经比我清左）
碗面一上嚟就见到满满嘅鲣鱼花，望落都几靓仔
不过可能期望愈大失望愈大，成个拉面食落就有啲差少少，以下系按照我当时食嘅次序排嘅感想
汤问题唔大，拨开鲣鱼花饮啖汤，以淡丽系嚟讲咸淡适中，但鲣鱼味唔系好浓，反而系甜味比较突出（唔知系唔系鸡+昆布+味醂嘅甜味），将鲣鱼花浸一阵&同埋拉面一齐食嘅话会好啲
但鲣鱼花同拉面嘅口感其实唔系咁夹，而且食到最后啲鲣鱼花浸耐左，搞到个汤有少少酸，所以我冇饮哂个汤
食啖拉面，直身幼面，有少少全粒粉，入口顺滑挂汤，有少少面香，唔错
但最大嘅问题系叉烧度
佢 个 鸡 叉 烧 中 间 系 唔 熟 架
日式慢煮肉类半生熟系常见嘅，但食用生肉不嬲都讲求鲜度，半熟肉唔够新鲜就好易出事，例如今次咁
唔知佢用乜野鸡肉，但最基本最重要嘅温度控制都做唔好，最厚身𠮶部分嘅中间系粉红色嘅
我原先谂住慢煮中间淡粉红好正常，于是夹起嚟放入口咬落去
佢 粉 红 色 𠮶 度 系 微 冻 架
佢连咬落去都完全系生肉嘅口感，
吓到老娘一野lur返啖肉出嚟
算，浸返旧肉落汤度，可能食到最后佢会变熟
于是我夹起薄切猪肉叉烧放入口
嗯，中间有一啲啲啲啲粉红色，但同个鸡胸比唔算啲咩
个口感几嫩，系猪肉，有啲咸
...冇啦，系咁多
作为一个钟意食肥肉嘅人，呢片又薄又瘦嘅叉烧完全满足唔到我
放佢落个subway包夹嚟食可能会开心啲
粒半熟蛋做得几好，蛋白紧致而嫩，蛋黄溏心有蛋浆，酱油浸得好入味，连蛋黄浆都有酱油味，钟意浓味嘅人会好满足
荀片食落冇渣，不过不失
白葱丝切得够幼，同啲面几夹
食下食下就嚟食完，啲鲣鱼花开始搞到个汤有啲酸，于是我夹返起一开始浸返落汤𠮶片半熟鸡胸叉烧
...嗯，都系唔熟嘅口感
鸡叉烧调味都系偏清淡，有啲似减肥/健身会食嘅白烚鸡肉嘅嫩滑版
结果个鸡叉烧我净系食左两啖外层肯定唔系生嘅部分就放弃左
其实整体食落都唔错，合格有余
但系食到熟唔透嘅鸡肉对我太大冲击
加上睇返其他食评，都见到间中有人食完肚疴就更加唔敢食完𠮶片鸡叉烧
如果叫我下次再去食嘅话，我可能会叫佢走叉烧
鲣鱼拉面
$88
59 浏览
0 赞好
0 留言
张贴
