Kitchen M (已結業)

今日同一位由加拿大回港的朋友聚旧，想揾一间cafe, 可以静静地enjoy afternoon tea 同倾谈。所以拣咗Kitchen M。 以为餐厅位于K11, 会好容易揾，但原来间餐厅隐藏于店舖内，非常难揾及不便！ 餐厅环境清静，真系倾计好地方！我地点咗2个Tea set, 一个系mini pizza ，一个系西班牙肠烟肉炒意粉。两个set买相不差！mini pizza 皮不算厚，有啲脆，唔算出色，但pizza胜在够热，多料，口感丰富！ 意粉尚算弹牙，味道不错，可惜太多油，感觉好油腻！！饮品方面，我叫咗杯咖啡，我朋友叫咗一杯冻柠檬茶。冻柠茶一般，但咖啡有惊喜！咖啡源自意大利南部，咖啡油好厚，香味浓厚，饮落有果酸味，cherry 味，再饮有些甘苦味，有层次，有after taste!! 值得一试！