Pentola (裕民坊YM²) (已結業)

前排朋友凯汇入伙就去参观下，差唔多晚餐时间就去咗楼下裕民坊 YM 食饭，拣咗呢间位于花园平台喷水池附近嘅餐厅。餐汤系南瓜忌廉汤口感绵绵。多士超级脆口，白鳀鱼软嫩多汁，配上茄子蓉呢个食法几特别。两款不同嘅火腿配大大粒青提子，估唔到味道都几夹。慢煮牛面颊番红花意大利饭，牛面颊经过慢煮之后肉质超级软腍，而且意大利饭每粒都沾满酱汁，味道同口感都一流。炭烧安格斯封门柳上枱时热辣辣香喷喷，封门柳系横膈膜嘅肌肉，肉质松软嫩滑牛肉味浓，另外呢度个薯条超级正食过返唔到转头，超级脆同超有薯香味。