臺北棧 (荷李活道) (已結業)

对芋圆零抗拒嘅我地最近又发现咗间新嘅台湾嘢，仲见到佢个menu入面嘅食物熟悉得嚟又加咗啲新意，当然要快快试吓佢啦~🌸明太子樱花虾蛋饼 $68樱花虾蛋饼有好多好多樱花虾，所以可以想像到个蛋饼非常香🍄紫菜椒盐杏鲍菇脆脆 $62盐酥杏鲍菇切到好似薯条咁，酥脆外皮包住多汁嘅菇，加埋啲紫菜碎好似shake shake薯条咁好味~🐮主厨四宝牛肉面 $98牛肉面好足料，有牛展、牛筋、金钱肚同埋牛腩。牛筋好淋好入味而且充满胶质；牛腩都好入味，松软到阿婆都食到，仲有个汤底够晒香，上品也。🐔手绘双色盐酥鸡 $85有清新嘅柚子酱同香浓嘅黑松露酱可以点，一次过满足你两个愿望。盐酥鸡大大件、啖啖肉够晒juicy，配上唔同嘅酱带嚟不同好滋味～🔮伯爵茶冻QQ芋圆 $58伯爵茶底加埋伯爵茶冻，茶味清香。芋圆同地瓜圆大大粒又QQ的不会太淋。珍珠、蜜绿豆同埋爱玉份量够多，夹埋真系又滑又好味 💜总括而言，虽然对比其他台湾嘢嚟讲有少少贵，但胜在食物够惊喜，钟意食台湾嘢嘅人记得嚟食吓。补充一点就系哩到嘅侍应非常细心，会主动留意到你杯水饮得7788，又或者系你食完牛肉面成个碗仔都系汤会自动自觉换个新碗仔比你食盐酥鸡，赞！