越大哥 (生昌大廈) (已結業)

误打误撞入左呢度食越南野，平日6点半左右入到去唔算多人，一入去就有位坐。识食一定系叫番个生牛肉汤河！果然有惊喜，未食已经闻到好大阵香料味，自己加埋青柠汁上去，斋闻已经觉得好开胃！牛肉既份量唔少，而且牛肉一啲都唔肥同埋好林，食落唔会有筋。河粉份量刚好，同样吸左汤之后都唔会过林。另外我仲叫左个烧猪颈肉既小食，脂肪分布平均，食落几香脆但若果干身啲会更好～黎到叫野饮冇理由唔叫越南咖啡试下挂，我今次就叫左个椰奶咖啡试下。第一次饮，第一下系好浓郁既黑咖啡味，但搅匀啲椰奶之后，觉得个椰奶味好突出好香浓。同埋印象中越南咖啡系有好甜嘅印象，但呢杯又唔会，值得叫嚟饮吓！