影片
更多
2023-11-04
118 浏览
话说听同事推介，话铜锣湾有间泰国嘢几平，质素好唔错。平时嗌外卖多，今日决定堂食试吓佢。原来佢喺希慎food court，平时太多选择都冇为意佢，喺商场嘅角落头位，下次可以去望吓。平均一个炒粉面唔过$70 ，如果想饮嘢可以加$10到，价钱都几合理。带咗三款嘢谂住一齐share ，海南鸡饭，酒饭味不错，唯独系得一款酱，海南鸡已经去咗骨，啖啖肉而且都几滑，份量都唔错。朋友仔嗌咗，冬阴功炒饭，呢个真系有啲惊喜，厨师功夫一流，炒饭劲干身，亦都少少冬阴功味，另外仲有少少海鲜，好醒胃。另外仲嗌咗个泰式炒牛河，河粉系类似陈村粉𠮶种泰式宽粉，不规则又粗身𠮶种，唔厚身亦都几滑。另外仲有啲蛋丝同炒菜，最紧要唔会太油腻，好滞。值得一赞嘅系，food court任拣位坐，坐紧窗边嘅话，日光一流，影张相都真系靓啲。几十蚊坐得舒服，又食得开心，呢间泰国嘢记得book mark啦，未必会专登嚟食，顺路嘅话记得要试吓！
话说听同事推介，话铜锣湾有间泰国嘢几平，质素好唔错。平时嗌外卖多，今日决定堂食试吓佢。
原来佢喺希慎food court，平时太多选择都冇为意佢，喺商场嘅角落头位，下次可以去望吓。
平均一个炒粉面唔过$70 ，如果想饮嘢可以加$10到，价钱都几合理。
带咗三款嘢谂住一齐share ，海南鸡饭，酒饭味不错，唯独系得一款酱，海南鸡已经去咗骨，啖啖肉而且都几滑，份量都唔错。
朋友仔嗌咗，冬阴功炒饭，呢个真系有啲惊喜，厨师功夫一流，炒饭劲干身，亦都少少冬阴功味，另外仲有少少海鲜，好醒胃。
另外仲嗌咗个泰式炒牛河，河粉系类似陈村粉𠮶种泰式宽粉，不规则又粗身𠮶种，唔厚身亦都几滑。另外仲有啲蛋丝同炒菜，最紧要唔会太油腻，好滞。
值得一赞嘅系，food court任拣位坐，坐紧窗边嘅话，日光一流，影张相都真系靓啲。几十蚊坐得舒服，又食得开心，呢间泰国嘢记得book mark啦，未必会专登嚟食，顺路嘅话记得要试吓！
张贴
