瀛喜日本料理 (已結業)

食放题，指定动作 - 叫刺身！刺身有心思加一小杯干冰出烟， 刺身新鲜厚身大件，有头甜虾，特别鲜甜！ 野饮方面，竟然有放题中好少见既支装饮品，有菓汁先生有茶有汽水，赞喔！ 食小食，火鸡肾，少少辣，好爽口入味，不知不觉就食晒啦！ 炸物新鲜出炉，件件都香脆可口又唔油腻，吉列虾爽脆口，炸鸡翼好入味，大小适中！ 推介日本蟹粥，一煲得一份蟹连蛋花同粟米粒，鲜味十足，粥底又绵，一锅大约三碗仔，忍唔住encore 多一锅呀！ 再黎个鱿鱼须，好惹味，又爽又香！ 仲漏左两个好好食但唔记得影相既羊架，真心推介，平时个啲羊架少肉到好似系骨头大个肉，呢个唔止啖啖肉，而且好香羊味但唔酥！另一个系一口牛，松软多肉汁，仲好重牛味，加上少少炸蒜 ,正！ 甜点，䁔粒粒既芝麻糊好香好滑！ 雪糕太多选择啦，点拣好！有我细个最爱既大脚板，还有一些韩国雪条！