旺記冰室 (大本型) (已結業)

约左同事去上司屋企探佢个初生BB，第一次踏足油塘，原来佢地个大本型商场都几大下，不过得个大字无乜野好行食肆都唔算多，数得出有边几间。本身想同同事去食丸龟，但见佢个场都几多蚊仔飞黎飞去，加上炸物得返两三款仲要唔啱食既....所以同同事行左去food court个层睇下food court门口有间旺记冰室，之前一直想试佢个叉烧滑蛋饭，见佢又唔洗等位，就拉埋同事入去坐啦餐牌唔多选择，主打系炒滑蛋，同埋其实佢既豉油汁都听闻好出色。本来想试叉烧滑蛋饭但职员话卖哂，咁就退而求其次拣左滑牛肉虾仁滑蛋饭啦碟饭等左5分钟就到哗，炒蛋份量好多好多，系盖过哂成个饭底牛肉同虾仁份量都多，牛肉好滑无筋唔鞋口，而虾仁就有腌过，有少少蒜味咁。餐厅标榜系用日本鸡蛋，果然食落好浓好重蛋香味！同埋应该有落牛奶或者忌廉炒，食落好顺滑炒蛋炒至七至八成熟，偏向薄身少少，但份量真系好足，我食完个饭底都仲有炒蛋剩个白饭底都煮得啱啱好，食呢类有汁有蛋既碟头饭个饭底好重要！如果煮得太湿就影响哂成碟饭既质素同口感。个豉油汁原来系店铺自家特制，食落少少甜，配合炒蛋同白饭食真系一流无得输既餐厅环境普通，讲真系美食广场既环境就要求唔洗太高既，