雲南啊老表黑山羊湯鍋米綫 (上海街)

营业中

休息中

有日放工，心血来潮好想食米线，但系食嚟食去都系𠮶啲间舖头，行行吓去咗佐敦，见到佢间舖头名咁得意嘅！又坐满晒人，一于试吓啦！叫咗一个口水鸡，一个拍青瓜，然后同朋友一人一碗米线，我哋两个都系叫酸辣，虽然话系细碗，但系个碗嚟到我哋都吓一跳，呢个价钱竟然做到咁嘅份量！抵赞！讲返正题先～我叫咗个猪颈肉酸辣米线，佢嘅酸菜系雪菜，我钟意！因为我唔太食得辣所以叫咗小辣，啱啱好！唔会抢咗个味！嫌唔够辣咩，仲有成兜辣菜圃炒摆喺度 ，任你落！够晒大方，朋友叫咗个牛羊酸辣米线，呢个都得值赞下，羊味唔会太苏，牛又炆得够淋！另外口水鸡都好香口，钟意食辣嘅你可能未必够喉，不过麻个方面控制得好好～见到隔离两台都叫饺子🥟下次一定要试吓！不过要预番啲时间等，见到写住饺子系即叫即整！