老闆火鍋冰室

营业中

休息中

友人知我钟意烚下烚下，佢尽地主之谊介绍我黎呢间冰室，话呢度食物高质得黎价钱又合理。黎到俾门口大大嘅招牌吸引住，由好多发光嘅灯胆围住，唔知点解谂起以前戏院嘅霓虹灯牌。冰室嘅环境都几有老香港味道，高楼底、铁闸等等，别有一番风味。呢度安排都有好多款选择我哋拣咗个海鲜锅，另外加咗个炸芋头、珊瑚蚌、松叶蟹柳、冬瓜片、南瓜片、生根，样样可以点半份真系好，可以试多啲唔同嘢食。海鲜锅上枱啦！分量超多、好足料，可能净系食锅底嘅料已经够饱，早知唔好买咁多嘢住😅炸芋头：必食，依家好少食到，好香口，里面好绵锅底材料：蟹：成半个煲咁大只，鲜甜、啖啖肉虾：爽口、弹牙又新鲜鲍鱼：烟韧、几厚身蚝：蚝味重、推介蚬：鲜甜无沙鱼头：煎过好香口，里面肉质嫩滑珊瑚蚌：好爽口，唔可以烚太耐松叶蟹柳：鲜甜、啖啖肉饮品点左柠檬八香果，好清新、香甜，啱打边炉时饮今晚可以同朋友烚下、倾下、笑下，愉快嘅一晚！