羲和小館 (已結業)

我都算系一个片皮鸭fans，估唔到呢间中菜馆嘅片皮鸭都几impress 到我。我地4人点咗半只片皮鸭。鸭肉片用发热碟上，咁就唔惊冻咗影响肉质同味道，见到餐厅嘅细心。鸭肉方面，分咗三个唔同部位，三种唔同食法，点唔同嘅酱汁同配料。分别可以点甜酱、配青瓜、白葱包起，或可以点爆炸糖、蓝莓酱、山楂饼，仲可以配自家制芥末。除咗佢嘅烤鸭之外，呢度嘅点心同其他小炒都好唔错。小笼包皮薄多汤汁，热辣辣食好过瘾。另外樱花虾蒸饭都好有风味，食落每啖都有淡淡的虾香味，推介。冰梅骨脆卜卜，甜酸甜酸咁好开胃。另外叫咗酸菜鱼，大大碟只系$268好抵食。佢嘅鱼肉扎实，汤底系金汤可配上粉面食。总括嚟讲，几个朋友嚟食上海菜都系一个唔错嘅选择。价钱尚算合理，座位舒适，会再回购。