壹小店 (已結業)

假日嘅朝早需要一份丰富嘅早午餐，壹小店嘅食物就非常适合啦。首先睇落平平无奇嘅窝夫套餐就好有惊喜啦！你以为waffles肯定系配糖浆，点知原来系配喺香草肠上面嘅青酱，青酱唔跟意粉煮就比较咸，所以少少份量已经好够味。而窝夫嘅口感好松软，唔系平时食开好硬好实嘅，几特别！佢哋仲有香港cafe比较少见嘅西班牙蛋饼，估唔到个份量又几大，仲跟咗个黑醋沙律同埋罗宋汤。蛋饼表面有加咗黑椒嘅烟三文鱼，而蛋味好浓嘅蛋饼入面就有一啲薯粒、菠菜同芝士。口感因为薯仔同菠菜唔会太单调，但的确因为芝士同埋薯粒令人更快有饱足感，好饱！最后，店员仲惊喜送上两个冬甩仔，即使好饱但都觉得好窝心呢！