施心畢老撾餐廳

营业中

休息中

今日下昼，我都系决定叫外卖。附近有一间食老挝嘅餐厅，我未食过老挝菜，唔知系咩味，所以就好奇叫咗呢一间。咁我就叫咗一个椰子汤鸡件米线，佢啲汤同米线系分开上嘅，呢一点好贴心。个椰子汤非常之香浓，好重椰子味，超好饮呀，同埋一啲都唔味精。另外兜米粉上面有好多𩠌，有生菜有鸡，有虾米，仲有一啲类似虾膏嘅物体，我唔太清楚。我倒啲椰子鸡汤落去，仲系好热辣辣，一啲都唔冻。啲虾膏沟埋椰子鸡汤，即时令到个汤好有咸香，好正啊。我会建议外卖嘅朋友，留返少少椰子鸡汤系个碗度，咁就可以食到两种风味啦。至于啲鸡件，咁当然唔会系新鲜嘅鸡件啦，但鸡件嘅质素都唔错，冇咩雪藏味，啲鸡件都好林，有少少肥油咁，都几滑㗎。上面有啲油炸鬼，都几有趣，第一次食米线上面有油炸鬼。