餃里 (悅湖商場) (裝修中)

呢个系向屯门悦湖山庄屋苑商场里面嘅一间外卖小店，专做手工饺子，朝早一开店已经好多人帮衬。店内饺子都系即日包嘅，有9款口味，仲有汤饺同煎饺、或者套餐可以选择。本人好喜欢食饺子，见到有咁多口味，就算可以双拼都好难选择，于是一次过买左3打生饺子（共5只口味）番屋企慢慢食。外卖生饺嘅包装盒做得好靓，饺子可以分开一个个放，唔会有黏烂饺子皮嘅情况。 而且盒背面有煎饺同汤饺嘅烹调方法，真系好贴心，好适合我呢d厨房新手。呢个就系自己煮出黎嘅样啦，就算系汤饺，饺子皮完全冇溶或者烂，而且粒粒饺子望落非常饱满。每一盒饺子仲配左辣菜圃同醋。韭菜饺菜肉比例刚刚好，咸度适中。香茜饺芫茜份量好多，好浓味，喜欢呢种蔬菜嘅朋友可以试试。素饺推荐口味之一，入面有大量木耳、萝卜同粉丝，咬落清甜爽口。泡菜饺正宗韩国泡菜味道，但比较辣。芝士粟米饺呢个只可以煎，入面好多粟米，芝士好香浓，推荐。