BEP Vietnamese Kitchen 越灶 (已結業)

位于K11 Musea嘅BEP装修有格调，坐得好舒服。海防墨鱼昆布沙律卖相好吸引，材料丰富，食落既有爽口嘅墨鱼同青瓜丝，又有淋滑嘅昆布，以及扎肉、碎花生等，好有层次感。沙律酱汁酸酸甜甜，非常开胃。底层脆片记得尽快食，或者先攞起，否则放耐咗就会变淋。泰式生虾新鲜爽口，腌料醒胃，辣味十足，唔太食得辣嘅朋友就要小心喇。越式猪肉法包嘅包身烘得脆身，材料亦好丰富，五花腩嘅油香十足。可惜整体较为干身，亦食唔到肝酱嘅香味。