阿來泰式地道風味

营业中

休息中

同朋友黎左呢间泰国菜馆到食。入到去唔算好多人，岩晒我地可以肆无忌惮咁倾计！我地坐低后拣左几个送！虽然有拣午餐，但我觉得唔系特别好食，就唔介绍啦！我地拣左串烧沙爹（猪肉及鸡肉各半）、泰式无骨酸辣凤爪沙律同龙眼冰。串烧沙爹（猪肉及鸡肉各半），闻落味道几香，但略嫌肉有啲厚，唔够入味。好彩肉唔会好"鞋"！佢嘅酱汁超好味。朋友直头攞黎捞饭Haha！酱汁好香椰香味，仲有啲酸酸甜甜嘅感觉，好野味啊！泰式无骨酸辣凤爪沙律，每次见到无骨凤爪我一定会食。呢间嘅无骨凤爪好爽口，而佢嘅酱汁系酸辣嘅味道，非常开胃。如果食到佢啲辣椒，你都咪话唔惊！真系会好辣嫁！龙眼冰，太甜了！而且冰太多，溶得好慢，饮极都饮唔到，想解渴或解辣就唔好拣佢嘅冰啦！总括黎讲，中中等等啦！佢优胜之处应该系价钱较平！平日午餐都系$48一个餐包一杯热饮，份量仲好多。都几抵嫁。