段純貞牛肉麵 (MONTEREY Place)

营业中

休息中

呢间见唔少朋友食过都话唔错，作为牛肉面控，一早放咗佢喺list. 经过见到唔使等位，终于可以试吓。午餐set有面食 + 饮品 $98，另一个面食 + 饮品 + 小食 $138，我哋两个人各叫咗一set. 一个「红烧腱心半筋半肉牛肉面」加一个「红烧牛筋面」，两个都拣手工面。小食本身想要盐酥鸡，但因为怕热气，最后拣咗豚肉锅贴。点餐后唔使10分钟已经有嘢食，十分有效率。牛肉同牛筋好入味，超好食，汤底好浓郁，配合埋个十分烟靭嘅手工面，好有惊喜。豚肉锅贴煎得好香脆，几好食。饮品点咗「台式姜母奶茶」加珍珠，小甜下都仍然系太甜，下次可以叫走甜。但要赞吓个姜味几浓，够姜！由于个牛肉面充满惊喜，觉得一定回翻兜。埋单前买咗佢个优惠现金券，买$1000，送$200，再加几张小食券。感觉拎到个八折，好似抵食好多。