得閒飲茶

营业中

休息中

近年坊间好似多左茶记式装修既点心店，等大家唔驶上茶楼都可以饮啖茶食个包，就算人唔多，都可以以几件几件既形式尝试各种传统和新派既点心。既然得闲饮茶再唔只系挂在口边既口号。今日就泥到太子一尝得闲饮茶既点心。既然可以在点心店林立既太子中占一席位，必然有佢既可取之处。其中蒜香虾春卷的皮脆可口，馅内虾肉份量大而且和蒜配料拌混得宜，入口啖啖满足，斜cut摆设除了好看外亦较易放入口中。小笼包皮薄馅份量适中，包皮更做到够薄而烟韧既口感，啜一啖汤汁，点一点姜丝黑醋，一口下肚，回味无穷。再一尝传统蒸豉汁蒸凤，酱香味浓，一啃骨肉分离，一口接一口， 即便一人吃一笼，只是转眼间工夫已成空碟。除了款款传统点心，店内亦有如黑豚猪仔角，芝士脆卷，春风得意肠等令人再次跃跃欲试的各款新派而且外型特别的点心。而价钱方面相对酒家绝对相宜，性价比不俗，绝对系良朋三五知己或与家人叹茶既另一好选择。