Artisan Garden Cafe (已結業)

西环一带而家好多小店cafe，其中一个星期六下午我就去左呢间。完全系求其入一间，连佢卖咩都唔知就入左去，结果有惊喜。朋友点左个牛扒牛油果沙律，牛扒唔错，有牛味又唔会硬，沙律菜好新鲜，酱汁啱啱好。个窝夫完全系惊喜，本身唔钟意食咸窝夫，所以我原本系想点炸鸡汉堡包，点知朋友听错，点左炸鸡芝士窝夫。炸鸡皮脆肉滑，又多肉汁，好食过连锁店好多，窝夫加芝士加炸鸡出奇地配合，扭转我对咸窝夫嘅印象，佢个窝夫都好好食，外脆内林。仲有杯signature iced tea都好饮，好衬食炸鸡，但我唔记得影相。