餃掂快線

荔枝角收工见到呢间嘅饺子店，好惊喜发现有全素嘅饺子，真系好难得。今次就试咗至尊松茸汤饺(8只)，煎松茸素饺(7只)，一份四川凉面，饮品就加咗自家制山楂雪梨水同埋蜂蜜柠檬薏米水。无论素饺定系肉饺都好有份量，好足料，咬开都睇到内馅系有菇。至尊松茸汤饺个汤饮落系好健康，都几肯定冇落味精，另外附上一盒松茸酱，加埋啲饺一齐食松茸味浓。煎饺亦都好香口，我钟意食辣，所以就加咗啲菜脯辣酱，简直系更惹味。四川凉面有辣酱，同埋另外有一盒麻酱，捞埋一齐好食。佢嘅饮品都有惊喜，唔系死甜，饮得出系清甜。整体嚟讲觉得呢间饺子都几好食，可以再encore，佢准备都好快。