影片
更多
2024-03-23
3251 浏览
今餐同朋友们食左间好外表好平实嘅酒家 - 珠江酒家门面有点老派简单，店入面都系简单的布局，上下两层但台数不多。店内墙身贴满菜式名，重点系手写嘅，好有特色。今晚人多少少，可以叫多几个𩠌。胡椒猪肚汤猪肚咸菜等十分足料，一锅7-8个人分都一人两小碗以上，味道不错，胡椒可以再多少少。潮州蚝爽第一次食蚝爽，其实好似椒盐造法嘅蚝仔，食落十分香口，好啱用呢送酒。凉拌花甲主要以由蒜同黑醋调味，花甲份量多而新鲜，食落几开胃。花甲下面有青瓜，食落好青爽。金沙黄金鱿鱼全餐饭最有惊喜就系呢个！一上台以为送错炸豆腐，原来系激厚嘅鱿鱼，外脆内嫩，咬落唔韧，配埋个咸蛋黄简直一绝！不过食嘅时间小心烫口。豉油皇鹅肠又系一个直得推介嘅一个菜，而家其他地方好难食到仲有咁肥美嘅鹅肠，食落唔腻，配埋喺底嘅芽菜，可谓一绝。椒盐墨鱼咀不过不失嘅椒盐墨鱼咀，不过炸粉微微偏多，而味道可以再浓咪少少，有啲被黄金鲜鱿比下去。面酱油渣四季豆抄四季豆正常发挥，但猪油渣未够炸得够，入口依然有点油腻，而调味唔知点解有点菠萝甜味。(黑人问号)炸子鸡味道不错，皮脆，但肉质有点干身，肉汁不足，相对比较平庸嘅一个菜式。潮阳来不及(甜品)呢个系脆炸香蕉加糖
门面有点老派简单，店入面都系简单的布局，上下两层但台数不多。店内墙身贴满菜式名，重点系手写嘅，好有特色。今晚人多少少，可以叫多几个𩠌。
胡椒猪肚汤
猪肚咸菜等十分足料，一锅7-8个人分都一人两小碗以上，味道不错，胡椒可以再多少少。
潮州蚝爽
第一次食蚝爽，其实好似椒盐造法嘅蚝仔，食落十分香口，好啱用呢送酒。
凉拌花甲
主要以由蒜同黑醋调味，花甲份量多而新鲜，食落几开胃。花甲下面有青瓜，食落好青爽。
金沙黄金鱿鱼
全餐饭最有惊喜就系呢个！一上台以为送错炸豆腐，原来系激厚嘅鱿鱼，外脆内嫩，咬落唔韧，配埋个咸蛋黄简直一绝！不过食嘅时间小心烫口。
豉油皇鹅肠
又系一个直得推介嘅一个菜，而家其他地方好难食到仲有咁肥美嘅鹅肠，食落唔腻，配埋喺底嘅芽菜，可谓一绝。
椒盐墨鱼咀
不过不失嘅椒盐墨鱼咀，不过炸粉微微偏多，而味道可以再浓咪少少，有啲被黄金鲜鱿比下去。
面酱油渣四季豆
抄四季豆正常发挥，但猪油渣未够炸得够，入口依然有点油腻，而调味唔知点解有点菠萝甜味。(黑人问号)
炸子鸡
味道不错，皮脆，但肉质有点干身，肉汁不足，相对比较平庸嘅一个菜式。
潮阳来不及(甜品)
呢个系脆炸香蕉加糖浆，材料比较简单但都算系一个几特色嘅热甜品，而食嘅时间都系小心烫口。
整体呢讲，珠江系一间几有质素嘅旧式酒家，有唔少潮州菜同粤菜嘅选择，以今日呢餐人均唔洗二百呢讲，出品有惊喜，值得再食！
张贴
