西關老祖 (文苑樓)

营业中

休息中

朋友介绍我黎依间非常适合外卖嘅小店，小店走怀旧加新派风，装潢简简单单。  极黑●黯然销魂饭：叉烧半肥瘦，煎得香口，肥肉同瘦肉一层搭一层，令口感升华咗唔少。而且每块都有番咁上下厚度，非常足料。上面仲铺咗煎双蛋，白饭淋有酱汁，配搭一齐食唔会觉得单调。 西关濑粉：第一次食依种濑粉，有啲似狗仔粉但又唔系，濑粉稠密，面条滑嘟嘟。加入冬菇等等嘅配料烹调，令濑粉更香。重点系猪油渣！一 定要加埋入去一齐食。 炸●黑毛猪肉粽：第一次食炸粽，仲要系第一次食用黑毛猪整嘅粽。完全唔觉得油腻，而且炸得够干，呈金黄色，外层仲带有少少焦脆。糯米口感烟韧，用上黑毛猪就更健康，炸完肉质都冇受影响。餐厅事先将炸粽切件，方便食用，而且横切面好靓好分明，见到金黄嘅糯米包住一大件黑毛猪肉。 臭草绿豆沙饮品：系夏天饮就最适合喇~ 绿豆沙清热解毒，加入臭草可以消暑、去湿，大热天时最好叫番一杯。而且好足料，绿豆超多，啖啖都饮到，眼见都占满樽嘅一半有多添，所以一定要拌匀饮用。