台北車站 (已結業)

念念不忘早前食完嘅酸菜鱼，今次经过见到呢间餐厅嘅酸菜烤鱼卖相好正，忍唔住入去试吓先。🚂🚂餐厅以火车做主题，除咗有大大个火车霓虹招牌外，餐厅入边都好多用火车窗口嘅装饰，仲有唔少火车挂画。🥢🥢餐牌选择都唔少，有鸡煲、水煮鱼、小菜、牛肉面、台式小食等。除咗酸菜烤鱼外，我哋要咗个干煸法国长豆，仲有两杯饮品。🐟🐟酸菜烤鱼（$258） - 卖相已经好吸引，分量好大，连个烤炉一齐上，保持热辣辣食，特别好味。除咗条鱼分量十足之外，仲有咸酸菜、藕片、云耳同大豆芽等配菜。味道酸酸地，好开胃呀，鱼仲预先煎香咗，好惹味。🌶🌶干煸法国长豆（$68）- 长豆好爽甜，加咗肉碎同辣椒一齐炒。少少辣，好开胃醒神嘅小菜。🧋🧋饮品我地叫咗椰岛珍珠奶茶（$14）同百香果红茶（$12）- 椰岛珍珠奶茶好香椰汁味，唔会太甜。百香果红茶入口好香水果味，好清凉消暑，夏天饮啱晒。