百味川 (已結業)

夜晚过咗葵芳行街，上网睇到人哋话呢度都有酸菜鱼食所以就嚟试吓。佢呢度嘅酸菜鱼系用龙利柳，啖啖肉完全冇骨，腌到入晒味，依个汤都几鲜甜，唔会剩系得辣味，但系有少少酸都好开胃，呢个价钱来讲我觉得几唔错。而佢特别在可以将个面底转成菜底，啱晒我呢啲成日话减肥但系又为食嘅人。男朋友就拣咗个过桥米线，因为唔使拣乜都有，大大碗一定够饱肚。佢拣咗酸辣汤底配淮山面，佢个酸辣汤底都唔错，同样地够酸得来唔会得个辣字，而淮山面都好弹牙。另外我哋叫咗两个小食，但系估唔到佢个份量系咁多。首先系个凉拌海带，都几入味，不过就嫌佢唔系咁爽，林身左小小。而佢个麻辣手撕鸡都好够辣，连平时好食得辣嘅男朋友都话好辣，所以真系好坚。而且个份量都真系好大，唔似得出边其他舖头会垫啲菜喺底，扮好多。而系呢度有樽仔奶茶同埋樽仔咖啡，几好饮㗎，甜度浓度啱啱好，奶茶咁啱又可以解辣，唔错。