想甜嚐甜

营业中

休息中

想做就做，想甜尝甜。喺menu见到呢句真系好唏嘘，生活很苦，间唔中真系需要吸收啲糖分，呢间良心店嘅甜品都唔系一般货色，睇得出有认真设计，个心太软真系几高质，可惜黄大仙店近日结业，希望大家多多惩罚西环同大角咀店。🍽开心果心太软配乳酪雪糕 ($62)呢度嘅心太软有好多特别口味，早排有芫荽味添。心太软即叫即焗，等候时间较长，但一切开见到咁流心就觉得值得。开心果味浓郁唔人工，非常出色，菠萝乳酪雪糕则可一解甜腻，同开心果几夹。🍽 紫 芭菲  ($48)本身想食紫薯炖蛋，但畀芭菲嘅卖相吸引左，芭菲铺满紫薯粒，几钟意佢紫薯无将压成蓉，保留返原有质感。紫薯酱甜度就高少少，感觉加左花蜜，底层嘅粟米片同玄米粒依然脆身。唯一可挑剔嘅系当日乳酪雪糕只有菠萝味，菠萝雪糕味道清新，甜度偏低，可惜同紫薯唔算好夹。🍽 椰芋 ($40)一碗有齐芋圆、地瓜圆、紫薯圆、丸子、西米、红豆同海底椰，非常足料，三色圆几弹牙，味道就唔算好突出，椰汁唔会太稀太杰。🍵玄•抹茶 ($32)面头嘅鲜奶泡几绵密，睇颜色仲以为抹茶做主角，点知玄米味好突出，杯底有玄米胚芽、小丸子同红豆蓉，整体唔错，店员好好帮我地尽量少甜。