반찬앤쿡 Banchan and Cook (太古城中心)

营业中

休息中

前菜喺韩式猪手沙律，猪手肉厚而且有口感，不但肉质嫩滑，而且冻食拌沙律非常清新爽口，作为韩国菜嘅前菜，为之后丰盛又油腻嘅主食做好打底。主食分别喺酱油蒜头无骨炸鸡，同泡菜炖五花肉蛋包饭。先讲一讲个炸鸡，酱油酱汁配搭鲜嫩现炸嘅炸鸡块，肉质鲜嫩多汁，一咬落去偏脆嘅炸鸡皮，果种酥炸嘅口感拌匀甜甜的淋酱，加入咗蒜味令风味更加有层次添。其次，泡菜炒饭就食得多，第一次尝试拌入炖五花肉，韩国伴菜必备嘅泡菜，肥瘦相间嘅五花肉，味道独特。值得一赞嘅喺师傅对蛋包饭嘅悉心烹调，一旦切开鸡蛋之后，入面嘅蛋浆好似瀑布咁涌出黎，半熟嘅蛋浆融入炒饭后，非常可口。甜品我地叫咗烤朱古力棉花糖，烤过后嘅棉花糖有拉丝嘅效果，配搭香脆可口嘅曲奇饼，俾你一个丰富嘅口感。值得一提嘅喺餐厅用咗整块饼干同打碎咗饼干做底，食落更有层次！饮品分别叫咗红桑子沙冰同士多啤梨红桑子梳打，甜度适中。