影片
更多
2023-01-31
130 浏览
早两日捉紧新年假期嘅尾巴，同男朋友出去郊游。我哋嘅目的地系粉岭嘅流水响水塘，咁所以我哋先喺粉岭站集合，食少少嘢就一齐搭小巴入去流水响。我平时真系好少入去粉岭，所以都冇乜留意粉岭有咩餐厅好食。原来名都广场度有几多餐厅选择，大集团连锁餐厅又有，小店又有。港式台式日式餐厅都有👍🏻 最后我哋拣咗呢间食马拉菜嘅餐厅，好似特别啲🥴餐厅主要都系卡位setting，假日都几多人，好彩我哋等咗一阵就有得入。入边既位置都几宽敞，店员服务态度都唔错，而且食物嘅选择都几多，本Menu好厚😂招牌虾面 ($78)汤底既虾味好浓郁，而配料都好丰富，有猪颈肉、豆卜、樱花虾、鱼肉卷?! 我最欣赏系佢将只虾剥左壳，呢个贴心位真系好加分👍🏻👍🏻👍🏻 如果面底系掺掺面，系油面同米粉两沟，挂汁一流👍🏻咖喱猪扒配米饭 ($68)男朋友叫咗呢个咖喱饭，我食咗几啖，个咖喱汁超级好食！咖喱同椰汁嘅比例控制得啱啱好，只系有少少咖喱既后劲渗出来，好惹味但系唔会辣。猪扒一啲都唔韧，好容易咬，同咖喱好夹。配菜仲有啲鱼干仔、炸饺子、同埋好大块嘅虾片。蟹肉酥盒 ($58)以为啲主菜个出色，小息应该都唔差，所以本身对呢个菜式好有期望，点知上到黎有少
餐厅主要都系卡位setting，假日都几多人，好彩我哋等咗一阵就有得入。入边既位置都几宽敞，店员服务态度都唔错，而且食物嘅选择都几多，本Menu好厚😂
招牌虾面 ($78)
汤底既虾味好浓郁，而配料都好丰富，有猪颈肉、豆卜、樱花虾、鱼肉卷?! 我最欣赏系佢将只虾剥左壳，呢个贴心位真系好加分👍🏻👍🏻👍🏻 如果面底系掺掺面，系油面同米粉两沟，挂汁一流👍🏻
咖喱猪扒配米饭 ($68)
男朋友叫咗呢个咖喱饭，我食咗几啖，个咖喱汁超级好食！咖喱同椰汁嘅比例控制得啱啱好，只系有少少咖喱既后劲渗出来，好惹味但系唔会辣。猪扒一啲都唔韧，好容易咬，同咖喱好夹。配菜仲有啲鱼干仔、炸饺子、同埋好大块嘅虾片。
蟹肉酥盒 ($58)
以为啲主菜个出色，小息应该都唔差，所以本身对呢个菜式好有期望，点知上到黎有少少失望。除咗上面果啲蟹膏之外，入边既内馅食唔出有蟹肉嘅味道。而外面嘅脆皮算系酥脆嘅，只不过好似同个馅料完全系两件事，有少少唔夹🤔
冻香茅橙茶 ($6)
我叫咗呢杯香茅橙茶，橙嘅味道同红茶底融合咗，几好饮。不过我就饮唔出香茅嘅味道🤔
热白咖啡 ($6)
男朋友饮呢个，我无饮到，佢话味道正常，冇乜特别。
张贴
