CHiLL-i (已結業)

餐厅喺骆驼漆大厦3座，楼下见到好多人排队上楼，不过好彩条队去得好快，而一出电梯嘅左手边就见到间餐厅。店面唔算好大，不过枱同枱之间唔会好迫，都坐得几舒服。首先叫左个小食，豆腐鱼饼。煎得非常脆，热辣辣，好惊喜，系外脆内软嘅口感👍🏻，而且唔会好细块。豆豉蒜蓉椒丝忌廉汁烩蚬肉意粉，用豆豉整意粉，有少少fusion菜嘅感觉，不过食落唔突兀，蚬肉份量都几多，如果意粉可以多返啲咬口就更好。加多$30就可以转set，有餐汤、甜品同2款小食，抵食！蒙古香草羊扒配沙律薯条，羊扒带一点脂肪，煎得外皮有少许焦脆有油脂香，望落大概7成熟，好易咬，有肉汁唔干，连我平时唔太食到羊扒嘅人都觉得好食👍🏻。星辰大海，饮品嘅名称同埋个样都好靓😆，啱晒打卡。饮落好清新，夏天饮好解渴。而焦糖咖啡就系正常cafe质素，有保证嘅选择，不错👍🏻。