Oaky

营业中

休息中

听闻石硖尾有好多小食店，所以特登过嚟呢边揾食。附近有几间学校，所以啲舖头似都系做街坊同学生生意，假日过嚟有啲舖头直程唔开，休星期日。麻辣炸鸡 $20开头以为系好似韩式炸鸡咁一嚿嚿，原来系一条条炸鸡柳，总共五条。谂住麻辣会好辣，所以叫定佢少辣，食落去只系微辣，我谂本身都唔会系太辣。啲鸡柳好juicy, 开头以为自己食紧鱼柳😂炸得岩岩好👍👍但佢冇配到酱，虽然斋食都唔会话干，不过食炸野就系钟意点点吓🤣好彩屋企有枝千岛酱😆夹到👌烟三文鱼牛角酥 $32佢个牛角包拎到返屋企食仲系微暖，咬落仲有啲脆冇淋到。个烟三文鱼再加埋个酱，甜甜酸酸好夹👍芝士烟肉牛角酥 $25比起烟三文鱼，依个就因为有烟肉重味啲，相比起亦都冇咁出色，正常发挥，主要系个牛角包好食。价钱相宜，三十蚊食到一个有料又好食嘅牛角包，同埋佢个炸鸡我都几推荐。