秋意 (成業工業大廈)

营业中

休息中

今日早收工，谂住食埋lunch先返归，比我揾到呢间观塘既工厦便当，点知几有惊喜。餐厅装潢简约，但环境都几舒服。呢度主打食鸡或者手撕鸭同元蹄。听完店员介绍，最后选择左去骨口水鸡，另外仲可以自由选择一款凉菜：葱油双耳或者酸辣薯仔丝。便当外观精美，仲好细心系白饭上面落左小小紫菜饭素，赞。口水鸡去左骨，岩我啲懒人，而且食落啖啖肉，鸡肉滑嫩，鸡皮唔会太肥腻，好满足。麻辣汁好香而且都ok辣, 用黎捞饭食就一流。另外薯仔丝配埋椒丝，味道酸酸辣辣，好惹味。