意八餐廳 (已結業)

放工约咗朋友去健身，之前就梗系附近揾地方食嘢医肚啦！于是就去咗就近嘅愉翠Itamomo食晚饭。可能系平日嘅关系，唔使排队等位就已经可以入座。店舖算环境算宽敞舒适。我点咗铁板牛扒，而我朋友就食鳗鱼炒饭。铁板牛扒餐都算大叫夹揸食，因为＄80就有几大块，仲有饭同薯菜，份量够之余牛扒味道都唔错。虽然佢冇问我要几成熟但系佢都算煮得唔太熟。朋友食个鳗鱼炒饭就略嫌有点油腻。卖相好吸引。身为鳗鱼迷嘅我，当然唔可以错过叫鳗鱼嘅机会啦！鳗鱼同饭嘅配搭一流，食落去好有口感，令人津津有味。总括而言，呢间餐厅性价比高，两个人食加埋都系大概＄200左右。