影片
更多
2020-03-23
399 浏览
同男朋友行开中环𠮶头，夜晚行完原创坊就谂住系附近揾间餐厅填下肚，行行下经过呢间李好纯好似几吸引咁，就行去睇下佢系食咩既。最初以为佢系食啲新派既中菜，点知睇真啲先发现佢系食啲新派素食既😂有惊喜🤪餐厅唔算好大，我地大约夜晚7点半去到既时侯岩岩冇晒位，门口既侍应好好人，话有张枱应该就埋单，叫我地留个电话转头返黎就有位😂结果10分钟之后就有位了😂入到去见到佢有chef signature set食，费事谂黎谂去就叫左个餐。个餐总共有4个course，都好似几丰富😋佢主要每个course都有两款可以拣，同男朋友一人拣一款食就可以试多啲野🤪先黎个开胃菜，一个系冻既蔬菜卷，另一款系烟熏既蔬菜串。蔬菜卷冇咩特别，配个味道有啲似食片皮鸭既酱食落几清新开胃。烟熏蔬菜串就有啲惊喜，打开盖啲烟熏味即刻飘出黎，好香😋食落都有啲烟熏既香味，唔会太浓既烟味，清清地既感觉。跟住就黎个前菜，一款系冻既菇丝粉皮，感觉有啲似平时食既鸡丝粉皮，佢个芝麻酱好香。另一款个名好靓，叫黄金花😂其实系咸蛋黄椰菜花配南瓜蓉。估唔到咸蛋同椰菜花会咁夹🤪椰菜花好爽脆，但系一啲都唔干身，值得一赞👍🏼跟住就到主菜，因为男朋友唔食糯米饭，所以就叫
入到去见到佢有chef signature set食，费事谂黎谂去就叫左个餐。个餐总共有4个course，都好似几丰富😋佢主要每个course都有两款可以拣，同男朋友一人拣一款食就可以试多啲野🤪
先黎个开胃菜，一个系冻既蔬菜卷，另一款系烟熏既蔬菜串。蔬菜卷冇咩特别，配个味道有啲似食片皮鸭既酱食落几清新开胃。烟熏蔬菜串就有啲惊喜，打开盖啲烟熏味即刻飘出黎，好香😋食落都有啲烟熏既香味，唔会太浓既烟味，清清地既感觉。
跟住就黎个前菜，一款系冻既菇丝粉皮，感觉有啲似平时食既鸡丝粉皮，佢个芝麻酱好香。另一款个名好靓，叫黄金花😂其实系咸蛋黄椰菜花配南瓜蓉。估唔到咸蛋同椰菜花会咁夹🤪椰菜花好爽脆，但系一啲都唔干身，值得一赞👍🏼
跟住就到主菜，因为男朋友唔食糯米饭，所以就叫左豆腐同薏米饭呢两款🤭个豆腐系百页豆腐黎，再包住一层超脆既腐皮，配埋个有海带毛豆既底汁，虽然豆腐系炸既但食落都好清新，唔会油腻。最有惊喜就系个薏米饭，用左意大利饭既方式煮既，加左啲菇菇同芝士脆片系面，食落真系意大利饭个感觉😂估唔到薏米既口感咁弹牙，比起一般既意大利饭再弹牙啲，食落个感觉好得意😂加上个味道好好，成个菜式都好出色，非常有惊喜😍
最后就系个甜品，一款系椰汁乌冬配芒果紫米，呢个有小小失望，比起之前既野食冇咩太大特色，不过唔算好甜，都不过不失🙈令一款系山楂sorbet配朱古力蛋糕，都系一份好清新既甜品黎，唔算好甜，总算系呢餐饭唔错既结尾。
总括黎讲，餐厅既食物系高质既，食得出佢地用既食材都系有返咁上下质素既。唯一就系价钱少贵，个餐一位盛惠$288，仲要唔包野饮（可以每位加多$128有个juice pairing既选择，不过我地觉得唔系咁抵就就咁叫左壶$58既洋甘菊普洱茶）最后埋单两个人$700度，以食素黎讲真系贵左啲，不过餐厅既环境同服务都唔错，加上食物样样都有啲惊喜，所以都系一个值得推荐既选择黎👍🏼如果咁岩𠮶日行开中环𠮶头又想食清啲既都不妨考虑下呢间餐厅！
张贴
