華星麵館 (已結業)

本身系旧址兰州拉面既fans,就算住屯门都会特登搭车出嚟食，知道去年结业之后都好失望，知道新开嘅都系刀削面觉得好开心，今日特登出嚟试下好唔好味！晚上六点半去到见到冇乜人都唔敢入, 男朋友仲话可能系一个伏。去到叫咗一个牛展拉面，而男朋友要一个麻辣鸡刀削面，另加蒜泥白肉！开头以为系男师傅做，原来系女师傅做嘅，觉得好特别！第一次见到有女师傅削面，啲面既面质都好好，好弹牙！d辣度好正，可以自己加辣！男朋友话麻辣鸡麻麻地！我个牛展好食d!汤底都几似以前兰州拉面，好似仲浓少少，份量够大碗，Btw, 隔离位女士竟然要加底，汗左！而蒜泥白肉下面用生菜铺底，我连埋生菜食，几fresh! 装修美观，唔错！有下次！