Chilli Lime (形點 I)

营业中

休息中

朋友突然约食lunch, 又因为之后有事，只局限系形点揾食，商场里面大多数都系连锁餐饮，比较之下呢间食多国菜既餐厅评价都唔错就去试下。佢既lunch set 都系由一百蚊起到百零蚊，包括头盘，主菜同咖啡或奶茶，仲可以加钱加甜品。头盘我地就点左越式鸡肉沙律(张相系分左一半比朋友之后先记得影)，佢既汁就有d似平时食捞檬既汁，酸酸辣辣几开胃又惹味，另外既薯仔沙律系炸左既薯饼加上生菜丝，汁系印度tandoori既口味都几特别。主菜份量几大，最后点左泰国鲜虾炒米粉，好够镬气，甜甜酸酸再加上花生碎同辣椒粉，真系好正。另一个主菜系鸡肉咖哩黄饭配簿饼，黄饭系我钟意既印度饭，咖喱味略嫌有d淡，鸡肉可能系鸡胸位有d干，本来食完半份米粉已经有d饱，谂住只食一块簿饼，点知一食不得了点咖哩食超级美味，结果食晒😂最后加左个香蕉簿饼甜品，其实就系同泰国既一样，又系好味道。全部菜式都水准好高，除左饮品冻咖啡就太淡了，唔推荐之外，其他都可以一试，系一间CP值高既餐厅。